Xalq deputatlari Yunusobod tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan “Mirzo Ulug‘bek vorislari” Respublika tanlovining Toshkent shahridagi tuman bosqichi doirasida ko‘rik-tanlov g‘olibi bo‘lgan Saodat Samukjanovaning Amnio-test loyihasi o‘rganilmoqda.

Mazkur loyiha homilaning holatini homiladorlikning erta bosqichlarida yuqori aniqlikda (98 foizgacha), tezkor, xavfsiz va hamyonbop tarzda aniqlash imkonini beruvchi, antitanachalar asosida yaratilgan innovatsion amnio-testni ishlab chiqishga qaratilgan.

Ushbu tashabbus ilm-fan, tibbiyot va innovatsiyalar uyg‘unligida yaratilgan istiqbolli loyiha sifatida alohida e’tiborga loyiq.