Sho‘rchi tumanida xalq deputatlari tuman Kengashi deputati, tuman hokimi Akbarali Ishmurzoyevning navbatdagi sayyor qabuli va saylovchilar bilan uchrashuvi bo‘lib o‘tdi.

  Bugun mamlakatimizda “Inson qadri uchun” tamoyili asosida amalgaoshirilayotgan islohotlarning tub mohiyati aholi muammolarini tinglash, ularga yechim topish va xalqning turmush darajasini yuksaltirishga qaratilgan. Shunday muloqotlardan biri tumanimizdagi 17-To‘la
saylov okrugida o‘tkazildi. 

  Mazkur uchrashuvda tuman hokimi va deputat Akbarali Ishmurzoyev bilan birgalikda tuman prokurori hamda tuman soliq inspeksiyasi boshlig‘i ham ishtirok etib, aholi murojaatlarini bevosita qabul qildilar. 

  Qabulda kimlar ishtirok etdi? Sayyor qabulga nafaqat To‘la saylov okrugi, balki tumanimizdagi “To‘la”, “Yangiarig‘”, “Eragchi” va boshqa bir
qator qo‘shni mahallalarda istiqomat qiluvchi fuqarolar o‘zlarining dolzarb masalalari bilan tashrif buyurdilar. 

  Murojaatlarning mazmuni Uchrashuv davomida fuqarolar tomonidan asosan quyidagi yo‘nalishlarda murojaatlar kelib tushdi: 

Ichki yo‘llarni ta’mirlash va infratuzilmani yaxshilash; 

Elektr energiyasi va ichimlik suvi ta’minoti; 

Bandlikni ta’minlash va tadbirkorlik uchun imtiyozli
kreditlar ajratish; 

Ijtimoiy yordam va sog‘liqni saqlash masalalari. 

  Natija va nazorat Uchrashuv shunchaki muloqot tarzida emas, balki amaliy natijalarga boy bo‘ldi. Har bir murojaat mutasaddi rahbarlar tomonidan
atroflicha o‘rganilib, ularning aksariyati joyida hal etildi. Muddat talab qiladigan qo‘shimcha o‘rganishlar yuzasidan tuman hokimi tomonidan tegishli
tashkilot rahbarlariga qat’iy topshiriq va ko‘rsatmalar berildi. 

  “Deputat xalqning ishonchli vakili bo‘lishi, saylovchilarining dardu tashvishi bilan yashashi shart. Bizning asosiy maqsadimiz — har bir fuqaroning
muammosini tinglash va qonuniy yechim topish orqali odamlarni hayotdan rozi qilishdir”, — deb ta’kidladi tuman Kengashi deputati, tuman hokimi A.Ishmurzoyev.

  O‘tkazilgan ushbu sayyor qabul hudud aholisining ijtimoiy muammolarini kamaytirish va xalq bilan davlat organlari o‘rtasidagi ishonchni yanada
mustahkamlashga xizmat qilishi shubhasiz.