Tumandagi Yakkavut mahalla fuqarolar yig‘inida “O‘zbekiston – 2030” strategiyasini “Mahallani rivojlantirish va jamiyatni yuksaltirish yili”da amalga oshirishga qaratilgan Davlat dasturining mazmun-mohiyatini aholi o‘rtasida keng targ‘ib qilish yuzasidan targ‘ibot tadbiri bo‘lib o‘tdi.

Mazkur tadbirda xalq deputatlari tuman Kengashi raisi T.Soliyev, O‘zbekiston Mahallalar uyushmasi tuman bo‘limi rahbari V.Sodiqov hamda Ma’naviyat va ma’rifat markazi tuman bo‘limi rahbari E.O‘lmasbekov ishtirok etdilar.

Tadbir davomida so‘zga chiqqanlar Davlat dasturini joriy yilda samarali amalga oshirish, mahalla infratuzilmasini yanada yaxshilash, aholi bandligini ta’minlash, yoshlar va xotin-qizlarni qo‘llab-quvvatlash, shuningdek, jamiyatda ma’naviy muhitni mustahkamlash borasida amalga oshirilishi lozim bo‘lgan ustuvor vazifalar haqida batafsil ma’lumot berdilar.