Chilonzor tumanidagi 280-sonli maktabda “Ayol va muvaffaqiyat: yangi ufqlar” mavzusida forum bo‘lib o‘tdi.

Mazkur tadbir Xalq deputatlari Chilonzor tuman Kengashi deputati Kim Marina Melisovna tashabbusi bilan tashkil etildi.

Forumning asosiy maqsadi — maktab o‘quvchi-qizlarini o‘z kuchiga ishonishga undash, ularga ta’limda, ijodda hamda shaxsiy hayotda muvaffaqiyatga erishish imkoniyatlari haqida tushuncha berishdan iborat.

Tadbir davomida o‘quvchi-qizlar hayotda yuksak natijalarga erishgan ayollarning ibratli faoliyati bilan tanishtirildi. Bu esa yoshlarni o‘z oldiga katta maqsadlar qo‘yish, ulardan ilhom olish va kelajakda ulkan yutuqlarga erishishga intilish ruhida tarbiyalashga xizmat qiladi.