Kengash raisining bir kuni

Xalq deputatlari Uzun tumani Kengashi raisi D.Safarova "Navro'z" mahallasi nuroniylari bilan ochiq va samimiy ruhda davra suhbati o‘tkazdi. Uchrashuv davomida mahallalarda olib borilayotgan ijtimoiy-ma’naviy ishlar, yoshlar tarbiyasi, oilaviy qadriyatlarni mustahkamlash hamda hududdagi dolzarb muammolar muhokama qilindi.

Suhbat jarayonida nuroniylar o‘z tajribalari va takliflari bilan o‘rtoqlashib, mahallalarda tinchlik va osoyishtalikni saqlash, yoshlarni vatanparvarlik ruhida tarbiyalash borasida amalga oshirilayotgan ishlarni qo‘llab-quvvatlashlarini bildirdilar. Shuningdek, ehtiyojmand oilalarni qo‘llab-quvvatlash, obodonlashtirish va ijtimoiy infratuzilmani yaxshilash masalalari yuzasidan fikr almashildi.

Tuman Kengashi raisi tomonidan bildirilgan taklif va murojaatlar atroflicha o‘rganilib, tegishli chora-tadbirlar ko‘rilishi ta’kidlandi. Uchrashuv yakunida nuroniylar bilan hamkorlikni yanada mustahkamlash, doimiy muloqotni yo‘lga qo‘yish muhimligi qayd etildi.

Bunday davra suhbatlari hududda ijtimoiy barqarorlikni ta’minlash va mahalla institutining rolini yanada kuchaytirishga xizmat qilmoqda.