Учқўрғон
туманида 2025-йилда амалга оширилган ишлар муҳокама қилинди

Бугун
туман ҳокимлиги мажлислар залида халқ депутатлари Учқўрғон тумани Кенгаши раиси
Б.Дадахонов, Кенгаш котибияти мудири М.Эгамов, сиёсий партия раҳбарлари ҳамда
туман Кенгаши депутатлари иштирокида муҳокама йиғилиши бўлиб ўтди. Йиғилишда
2025-йил давомида туманда амалга оширилган ишлар таҳлил қилиниб, 2026-йилда
амалга оширилиши лозим бўлган устувор вазифалар белгилаб олинди.

Муҳокама
давомида туман Кенгаши томонидан йил давомида олиб борилган фаолият, қабул
қилинган қарорлар ижроси, шунингдек, аҳоли манфаатларига қаратилган ишлар
юзасидан атрофлича фикр алмашилди. Депутатлар томонидан мавжуд камчиликлар,
уларни бартараф этиш ҳамда жорий йилда фаолият самарадорлигини ошириш
масалалари муҳокама қилинди.

Йиғилишда
2026-йилда туманни ижтимоий-иқтисодий ривожлантириш, аҳоли турмуш даражасини
яхшилаш, депутатлик назоратини кучайтиришга қаратилган вазифалар белгиланди.

Муҳокама
якунида белгиланган вазифалар ижросини таъминлаш бўйича тегишли таклиф ва
тавсиялар ишлаб чиқилди.