Suvti okrugida 18-maktab oshxonasi muammosi hal etildi 

Suvti okrug deputati G‘.Komilov nomiga 18-maktabda oshxona mavjud emasligi, bu esa
o‘quvchilar uchun zarur sharoitlarning yetishmasligi haqida murojaat kelib
tushgan edi. Mazkur murojaat asosida deputat mahalla faollari bilan hamkorlikda
masalani o‘rganishga kirishdi. 

O‘rganishlar natijasida tadbirkor tomonidan maktab hududida yangi konstruksiyali oshxona
qurib berish tashabbusi ilgari surildi va qisqa fursatda zarur ishlash
jarayonlari amalga oshirildi. Yangi oshxona faoliyati yo‘lga qo‘yilib,
o‘quvchilar uchun munosib, xavfsiz va sanitar talablarga javob beradigan
sharoitlar yaratildi. 

Deputat G‘.Komilov tomonidan oshxonaning hozirgi holati o‘rganilib, xizmat ko‘rsatish
sifatini oshirish va bolalar uchun yanada qulay imkoniyatlar yaratish bo‘yicha
qo‘shimcha tavsiyalar berildi. 

Ushbu ishlar mahalliy hamjamiyat, deputat va tadbirkor hamkorligida amalga oshirilgan
samarali qadam sifatida e’tirof etildi. 

t.me/PiskentTumaniKotibiyati