Xalq deputatlari Toshloq tuman Kengashi deputatlari tomonidan Qumariq mahallasidagi "Umidli tong fayzi" fermer xo‘jaligida yo‘l chetidagi ariq bo‘ylab 120 ta manzarali va ko‘p yillik ko‘chatlar ekildi. 

Tadbirda Toshloq tuman Kengashi deputatlari O.Mirzamatov, A.Soliyev, G.Sobirova, D.Jo‘rayeva M.Qoraboyeva va O‘zLiDeP Toshloq tuman Kengashi apparat rahbari A.O‘rmonova ishtirok etdi. 

Mazkur tashabbus, hududda yashil makon yaratish va ekologik holatni yaxshilashga qaratilgan davomiy faoliyatning bir qismi sifatida amalga oshirilmoqda. Deputatlar ushbu tashabbusning kelgusida ham davom etishini va har bir hududni obod, yashil va ekologik jihatdan sog‘lom maskanga aylantirishni maqsad qilganligini ta’kidladilar.