Farg‘ona shahrida Afg‘oniston hududidan harbiy qo‘shinlar cheklangan kontingentini olib chiqilganligining 37 yilligi munosabati bilan tadbir bo‘lib o‘tdi.

Tadbirda Afg‘oniston tuprog‘ida xizmat burchini bajarish chog‘ida halok bo‘lgan yurtdoshlarimiz xotirasiga ehtirom ko‘rsatilib, ularning porloq xotirasi yod etildi. Shuningdek, bugungi kunda safimizda bo‘lgan faxriy jangchilarning yosh avlodni vatanparvarlik ruhida tarbiyalash, milliy qadriyatlarimizga sadoqat va Vatanga muhabbat tuyg‘ularini singdirish borasidagi ulkan hissasi alohida ta’kidlandi.

Xalq deputatlari shahar Kengashi deputati M.Mexmonov tomonidan Afg‘onistondagi harakatlar ishtirokchilari yuksak jasorat va matonat namunasini ko‘rsatgani, ularning hayot yo‘li va ibratli faoliyati yoshlar uchun haqiqiy maktab ekani qayd etildi. Faxriylarga ezgu tilaklar bildirilib, ularga ehtirom ko‘rsatildi.

Tadbir davomida viloyat san’atkorlari tomonidan ijro etilgan kuy-qo‘shiqlar ishtirokchilarga havola etildi.