Deputatlar faoliyatining eng muhim yo‘nalishlari bo‘yicha o‘zlari saylangan hududlarda o‘rganishlar o‘tkazish bo‘yicha savolnomaning 23-bandi (mahalla yettiligi bilan fuqarolar o‘rtasidagi munosabat (fuqarolar bilan suxbatlashish orqali aniqlash)) ijrosini ta’minlash bo‘yicha Xalq deputatlari Urganch shahar Kengashi deputati B.Baltayev “J.Manguberdi” mahallasida bo‘lib, mahalla “yettiligi” va fuqarolar bilan
uchrashuv o‘tkazdi.

Uchrashuv davomida deputat B.Baltayev mahalla “yettiligi” tomonidan fuqarolar murojaatlari bilan ishlash holati va ko‘rsatilayotgan ijtimoiy xizmatlar sifatini o‘rgandi.

 O‘tkazilgan muloqotlarning asosiy natijalari: 

· Fuqarolar fikri: Deputat mahalla aholisi bilan yuzma-yuz suhbatlashib, “yettilik” tizimining samaradorligi, xususan, hokim yordamchisi va yoshlar yetakchisining faoliyati bo‘yicha ularning ijobiy hamda tanqidiy fikrlarini tingladi. 

· Muammolarni aniqlash: Suhbat davomida aholini qiynayotgan bandlik, ijtimoiy yordam va hududiy infratuzilma masalalari ko‘rib chiqildi. 

Yechim va takliflar: Aniqlangan kamchiliklarni bartaraf etish yuzasidan “mahalla yettiligi”ga tegishli tavsiyalar berildi. Fuqarolar tomonidan ko‘tarilgan, joyida hal etish imkoni bo'lmagan masalalar deputatlik nazoratiga olinib, mutasaddi tashkilotlarga deputat so‘rovi yuborish belgilandi. 

Uchrashuv yakunida mahalla faollari va yetti nafar mas’ul xodimning aholi bilan doimiy va ochiq muloqotini uzluksiz yo‘lga qo‘yish bo‘yicha aniq vazifalar belgilab olindi.