Халқ депутатлари Янгиқўрғон туман Кенгаши котибияти мудири Эргашева Мунисхон Рустамбековна Кўрик маҳалла фуқаролар йиғинида бўлиб, ҳудудда фаолият юритиб келаётган ижтимоий ходимнинг иш фаолияти билан яқиндан танишди.

Ўрганиш давомида аҳолига кўрсатилаётган ижтимоий хизматлар, эҳтиёжманд оилалар билан ишлаш, мурожаатларни ўз вақтида ҳал этиш ҳамда “Инсон” ижтимоий хизматлар маркази билан ҳамкорликда амалга оширилаётган ишлар муҳокама қилинди.

Шунингдек, ижтимоий ҳимояга муҳтож фуқароларни қўллаб-қувватлаш, уларнинг муаммоларини тизимли ҳал этиш ва манзилли ёрдам кўрсатиш борасида амалга оширилаётган ишларга алоҳида эътибор қаратилди.

Ташриф якунида масъулларга аҳоли мурожаатлари билан ишлаш самарадорлигини янада ошириш ҳамда ижтимоий хизматлар сифатини яхшилаш юзасидан тегишли тавсия ва топшириқлар берилди.

Slide 1 of 1