ЯНГИҚЎРҒОН ТУМАНИДА ЙЎЛ ҚУРИЛИШ ИШЛАРИ ЎРГАНИЛДИ

📊Халқ депутатлари Наманган вилояти Кенгаши котибияти мудири Т. Гаппаров, вилоят Кенгаши депутатлари Н. Муҳаммадиева ва Д. Хатамова, шунингдек, Халқ депутатлари Янгиқўрғон тумани Кенгаши депутатлари ҳамда котибият ходимлари томонидан туманда амалга оширилаётган ободонлаштириш ва инфратузилмани яхшилаш ишлари жойига чиққан ҳолда ўрганилди.

📌 Ўрганишлар давомида Жаҳон банки молиявий кўмагида амалга оширилаётган “Қишлоқ инфратузилмасини ривожлантириш” лойиҳаси доирасида “Гулшан” маҳалла фуқаролар йиғинидаги ички йўлларни асфальтлаш ишлари билан яқиндан танишилди.

🛣 Маълум қилинишича, мазкур лойиҳа доирасида “NOVAWAY ASPHALT” МЧЖ томонидан умумий қиймати 1 миллиард 600 миллион сўмлик қурилиш ишлари амалга оширилмоқда. Лойиҳа асосида маҳалладаги жами 4,5 километр ички йўлни асфальтлаш режалаштирилган бўлиб, айни вақтга қадар 700 метр қисмида асфальт ётқизиш ишлари муваффақиятли якунланган.

🌐 Ўрганиш жараёнида йўл қурилиши ишларининг сифати, асфальт қопламасининг техник талабларга мувофиқлиги, қурилиш ишларининг бориши ва аҳоли учун яратилаётган қулайликлар атрофлича таҳлил қилинди.

🤝 Шунингдек, мутасадди ташкилот вакилларига қурилиш ишларини белгиланган муддатларда, юқори сифат ва замонавий талаблар асосида якунлаш юзасидан тегишли тавсия ва кўрсатмалар берилди.

✔️ Бундай лойиҳалар аҳолининг турмуш шароитини яхшилаш, ҳудуд инфратузилмасини ривожлантириш ҳамда маҳаллалар қиёфасини янада обод қилишда муҳим аҳамият касб этмоқда.