ХАЛҚ ДЕПУТАТЛАРИ ЯНГИҚЎРҒОН ТУМАН КЕНГАШИ ФАОЛИЯТИ ЎРГАНИЛДИ

Халқ депутатлари Наманган вилоят Кенгаши котибият мудири Т. Гаппаров ҳамда вилоят Кенгаши депутати Н. Мухаммадиева бошчилигида Халқ депутатлари Янгиқўрғон туман Кенгаши фаолияти ўрганилди.

Ўрганиш жараёнида Халқ депутатлари Янгиқўрғон туман Кенгаши фаолияти, ҳужжатларни расмийлаштириш тартиби, депутатлик сўровлари билан ишлаш амалиёти, шунингдек, доимий комиссиялар ва партия гуруҳлари фаолияти атрофлича кўриб чиқилди.

📌 Учрашув давомида маҳаллий Кенгаш ва ижро этувчи ҳокимият органлари ўртасидаги ҳамкорликни янада мустаҳкамлаш, жойлардаги муаммоларни самарали ҳал этиш, депутатлик сўровларидан унумли фойдаланиш ҳамда жамоатчилик фикрини инобатга олган ҳолда қарорлар қабул қилиш механизмларини такомиллаштириш юзасидан фикр-мулоҳазалар билдирилди.

✍️ Шунингдек, доимий комиссиялар ва партия гуруҳлари фаолияти таҳлил қилиниб, уларнинг самарадорлигини янада ошириш бўйича тегишли таклиф ва тавсиялар берилди.

🤝 Ўрганишлар доирасида Янгиқўрғон тумани ҳокими А. Нажмиддинов ҳамда туман Кенгаши котибият мудири М. Эргашева билан биргаликда Кенгаш котибиятининг моддий-техник базасини мустаҳкамлаш, иш жараёнларини замонавий талаблар асосида ташкил этиш ва Кенгаш фаолияти самарадорлигини ошириш бўйича муҳим вазифалар белгилаб олинди.