Deputat murojaati asosida Ekopolitsiya tomonidan tezkor choralar ko‘rildi

🏦Xalq deputatlari Kosonsoy tuman Kengashining 19-sessiyasida Kosonsoy tuman Ekopolitsiya bo‘limi boshlig‘iga deputat J. Abdullaev tomonidan muhim masala yuzasidan savol yo‘llangan edi.

✍️Unda tuman markazidagi A. Jomiy ko‘chasida daraxtlarning qurib ketayotgani, shuningdek, ayrim tadbirkorlar tomonidan daraxt atrofi beton (asfalt) bilan qoplab olingani holati ko‘tarilib, ushbu muammoga zudlik bilan chora ko‘rish zarurligi ta’kidlangan.

🛑 Mazkur murojaat asosida Ekopolitsiya xodimlari tomonidan profilaktik reyd-nazorat tadbirlari tashkil etildi.

📉O‘rganishlar davomida A. Jomiy ko‘chasida joylashgan hududda tadbirkor N.P. tomonidan daraxtlar tagi asfalt qilingani aniqlangan. Mazkur holat daraxtlarning tabiiy o‘sishi va oziqlanishiga salbiy ta’sir ko‘rsatishi qayd etildi.

❗️ Shundan so‘ng mas’ullar tomonidan tadbirkorga daraxt atrofi ochilishi va avvalgi holatga keltirilishi yuzasidan zudlik bilan tushuntirish ishlari olib borildi hamda kamchiliklarni bartaraf etish bo‘yicha aniq ko‘rsatmalar berildi.

💬 Shuningdek, biomeros obyektlarini muhofaza qilish qoidalariga rioya etish zarurligi, bunday huquqbuzarliklarni takrorlamaslik yuzasidan qat’iy ogohlantirildi.

✔️Ushbu tezkor chora-tadbirlar hududda ekologik muvozanatni saqlash, yashil hududlarni asrash hamda qonunchilik ijrosini ta’minlashda muhim ahamiyat kasb etadi