Сайёр қабул давомида аҳоли томонидан билдирилган ижтимоий-иқтисодий, коммунал, ҳуқуқий ва бошқа турли масалаларга оид мурожаатлар тингланиб, уларнинг мазмун-моҳияти атрофлича ўрганилди. Айрим муаммолар жойида ҳал этилди, қўшимча ўрганиш талаб этувчи масалалар эса тегишли ташкилот ва идораларга жойида йўналтирилиб, ижроси қатъий назоратга олинди.

Шунингдек, фуқароларга амалдаги қонунчилик асосида ҳуқуқий тушунтиришлар берилиб, уларнинг қонуний манфаатларини ҳимоя қилиш юзасидан зарур маслаҳатлар тақдим этилди.

Мазкур сайёр қабул аҳоли билан тўғридан-тўғри мулоқотни таъминлаш, уларни қийнаётган муаммоларни ўз вақтида аниқлаш ва самарали ҳал этишда муҳим аҳамият касб этди.