24-yo‘nalishda amalga oshirilayotgan ishlar doirasida deputat Z. Arazova Xazarasp mahallasidagi ichki ko‘cha yo‘llari holati hamda ko‘chalarning tungi yoritilishi bilan tanishdi. Ushbu jarayonda mahalla fuqarolar yig‘ini raisi X.S. Jumanayazov hamda tuman Yo‘llardan foydalanish unitar korxonasi mas’ullari ham ishtirok etdi.

Viloyat va tuman mahalliy byudjeti mablag‘lari hisobidan olib borilayotgan ishlar natijasida mahalladagi ichki yo‘llarning shag‘allashtirilayotgani va beton-asfalt bilan qoplanayotgani quvonarli holat sifatida qayd etildi.

Shu bilan birga, chegara hududida joylashgan mahalladagi ichki yo‘llarning tungi yoritilishi talab darajasida emasligi achinarli holat ekani ta’kidlandi. Mazkur kamchiliklarni bartaraf etish yuzasidan tegishli chora-tadbirlar ko‘rilishi belgilandi.