♻️Xalq deputatlari tuman Kengashi deputati M. Qalandarova tomonidan olib borilgan izchil sa’y-harakatlar natijasida muhim amaliy natijaga erishildi.

♻️Xususan, Bo‘ribek Chandir MFY hududida joylashgan, ta’mirtalab holga kelib qolgan 3-sonli davlat maktabgacha ta’lim tashkilotini mukammal ta’mirlash masalasi ijobiy hal etildi.

♻️Deputat tomonidan mazkur muammoni bartaraf etish, hududdagi bolajonlar uchun munosib shart-sharoitlar yaratish maqsadida bir necha bor mutasaddi tashkilotlar va rahbarlarga murojaatlar yo‘llanib, tegishli deputat so‘rovlari kiritildi.

♻️Ko‘rilgan amaliy choralar o‘z samarasini berib, ushbu muassasa O‘zbekiston Respublikasi Prezidentining 2025-yil 8-oktabrdagi PQ-298-sonli qarori va 2026-yil 5-fevraldagi PQ-49-sonli qarorlari asosida shakllantirilgan manzilli dasturga kiritildi. (Xalq deputatlari Olot tuman Kengashining 2026-yil 21-fevraldagi VII-19-20-2-31-K/26-son) (https://kengash.gov.uz/doc/246010)

♻️Mazkur dasturga muvofiq, 2026-yilda 3-sonli DMTTda mukammal ta’mirlash ishlari amalga oshirilishi rejalashtirilgan bo‘lib, bu esa tarbiyalanuvchilar uchun zamonaviy va qulay sharoitlar yaratishga xizmat qiladi.

♻️Mazkur natija hududda ijtimoiy infratuzilmani rivojlantirish, ayniqsa maktabgacha ta’lim tizimini qo‘llab-quvvatlash borasida olib borilayotgan ishlarning amaliy ifodasi hisoblanadi.