Xalq deputatlari tuman Kengashi deputati Isakulov Abbos 2-sonli maktabgacha ta’lim tashkiloti faoliyati hamda tarbiyalanuvchilarga yaratilgan sharoitlarni o‘rgandi.

Tashrif davomida muassasada bolalar uchun yaratilgan qulayliklar, o‘quv-tarbiyaviy jarayonlar, pedagoglar faoliyati hamda moddiy-texnik baza bilan yaqindan tanishildi. Shuningdek, bolalarning sog‘lom va xavfsiz muhitda ta’lim olishini ta’minlashga qaratilgan ishlar alohida e’tiborga olindi.

Deputat tomonidan maktabgacha ta’lim sifatini yanada oshirish, bolalarning har tomonlama rivojlanishi uchun zarur shart-sharoitlarni takomillashtirish yuzasidan tegishli tavsiyalar berildi.