Xalq deputatlari Ishtixon tumani Kengashi deputati Kiyamov Nurali tomonidan Ishtixon tumani hokimining o‘rinbosari — tuman Obodonlashtirish boshqarmasi boshlig‘i S.Ochilov nomiga deputat so‘rovi yuborildi.

Mazkur so‘rov joylarda aholi bilan o‘tkazilgan uchrashuvlar davomida kelib tushgan murojaatlar asosida shakllantirildi. Unda “Jo‘ra Mahmudov” mahallasidagi Yangiobod ko‘chasining bugungi holati yuzasidan mavjud muammolar ko‘tarilgan.

🔹 Ko‘chaning ta’mirtalabligi

🔹 Yog‘ingarchilik paytida loy va ko‘lmaklar hosil bo‘layotgani

🔹 Aholi hamda transport harakatida qiyinchiliklar yuzaga kelayotgani

kabi masalalar alohida ta’kidlandi.

🛠 Deputat tomonidan mazkur ko‘chani joyiga chiqib o‘rganish hamda uni ta’mirlash bo‘yicha tegishli choralar ko‘rish yuzasidan takliflar bildirildi.

⏳ Qonunchilikka muvofiq, deputat so‘roviga 10 kun muddatda javob taqdim etilishi belgilangan.

✅ Hududdagi muammolarni bartaraf etish va aholi uchun qulay sharoit yaratish masalasi doimiy nazoratda bo‘lib qoladi.