Xalq deputatlari Toyloq tumani Kengashining yigirma uchinchi sessiyasida tuman mahalliy budjetining 2026-yil 1-yanvar holatiga saqlangan erkin qoldiq mablag‘laridan foydalanish masalasi ko‘rib chiqildi.

Sessiyada tuman hokimining birinchi o‘rinbosari – iqtisodiyot va moliya bo‘limi boshlig‘i A. Sharipovning xulosasi hamda tegishli komissiya bayonnomasi asosida tuman hokimligi ma’muriy binosi hududida xalq deputatlari tuman Kengashi uchun qo‘shimcha bino, majlislar zali va xizmat xonalarini qurish maqsadida 400 million so‘m mablag‘ ajratish belgilandi.

Shuningdek, ajratilgan mablag‘lardan amaldagi qonun hujjatlari talablariga muvofiq maqsadli va samarali foydalanish hamda qaror ijrosini nazorat qilish tegishli mas’ullarga yuklatildi.