Imоm ota mahallasida “Organik mahsulotlar to‘g‘risida”gi 766-sonli Qonun mazmun-mohiyatiga bag‘ishlangan targ‘ibot tadbiri tashkil etildi. Tadbir davomida fuqarolarga mazkur qonunning asosiy maqsadi, organik mahsulotlarning afzalliklari hamda ularni yetishtirish va realizatsiya qilish tartiblari haqida batafsil ma’lumot berildi.

Shuningdek, organik mahsulotlar inson salomatligi va atrof-muhit uchun xavfsiz ekani, ularni ishlab chiqarishda kimyoviy o‘g‘it va zararli moddalar qo‘llanilmasligi alohida ta’kidlandi. Qonun talablari asosida ishlab chiqaruvchilar va tadbirkorlar uchun yaratilayotgan imkoniyatlar haqida ham tushuntirishlar berildi.

Tadbir yakunida ishtirokchilar o‘zlarini qiziqtirgan savollarga mutaxassislar tomonidan batafsil javob oldilar.

Aholi o‘rtasida huquqiy savodxonlikni oshirish va sog‘lom turmush tarzini targ‘ib etishda bunday tadbirlar muhim ahamiyat kasb etadi.