Xalq deputatlari Parkent tuman Kengashiga 24-Tolbuloq saylov okrugidan saylangan deputat Uboydullayeva Yulduz Abrorjonovna, O‘zbekiston “Adolat” sotsial-demokratik partiyasi tuman Kengashi raisi S. Sharifova hamda O‘zbekiston Xalq demokratik partiyasi tuman Kengashi raisi R. G‘ofurovalar Parkent tumani Ko‘p tarmoqli markaziy poliklinikasiga tashrif buyurishdi. Tashrif davomida aholiga o‘z vaqtida va sifatli tibbiy yordam ko‘rsatilishi, shuningdek, bepul beriladigan dori vositalari bilan ta’minlash holatlari jamoatchilik asosida o‘rganildi. Deputatlar poliklinikada bemorlarga ko‘rsatilayotgan tibbiy xizmatlar, dori vositalarini qabul qilish,
saqlash hamda aholiga yetkazib berish jarayonlari bilan yaqindan tanishdilar. Mazkur jarayonlar yuzasidan tuman Tibbiyot birlashmasi bosh hamshirasi tomonidan poliklinikada aholiga bepul ko‘rsatiladigan tibbiy xizmatlar, bepul yetkazib beriladigan dori vositalarini qabul qilish, saqlash va tarqatish tartibi, dorilar hamda tibbiy buyumlarga bo‘lgan ehtiyojni aniqlash mexanizmlari va ushbu jarayonlarga mas’ul bo‘lgan mutasaddilar haqida batafsil ma’lumot berildi. Shuningdek, hozirgi kunda tumandagi tibbiyot muassasalarida kadrlar bilan ta’minlanganlik holati haqida ham ma’lumot taqdim etildi. Xususan tibbiyot muassasalarida jami 1979 nafar xodim faoliyat olib borayotgani, shundan 247 nafari shifokorlar, 1195 nafari o‘rta tibbiyot xodimlari, 320 nafari kichik tibbiyot xodimlari hamda 217 nafari texnik va boshqa xodimlar ekanligi aytib o`tildi.Shifokorlarning 130 nafari oliy toifali, 24 nafari birinchi toifali, 37 nafari ikkinchi toifali mutaxassislar hisoblanishi, o‘rta tibbiyot xodimlarining esa 415 nafari oliy toifali, 194 nafari birinchi toifali hamda 195 nafari ikkinchi toifali mutaxassislar ekanligi aytildi. Uchrashuv davomida aholining sog‘lig‘ini muhofaza qilish, tibbiy xizmatlar sifatini oshirish hamda dori vositalaridan samarali foydalanish imkoniyatlarini yanada yaxshilash
masalalari muhokama qilindi.