Xalq deputatlari Parkent tuman Kengashiga 24-“Tolbuloq” saylov okrugidan saylangan deputat Uboydullayeva Yulduz Abrorjonovna o‘zi saylangan okrugdagi “Fayzobod” mahallasida bo‘lib, “Mahalla yettiligi” faoliyati bilan yaqindan tanishdi. Uchrashuv davomida mahalladagi yoshlar yetakchisi tomonidan amalga oshirilayotgan tadbirlar hamda yoshlar bandligini ta’minlash borasidagi ishlar o‘rganildi. Shuningdek, yoshlar o‘rtasida jinoyatchilikning oldini olish, ularning bo‘sh vaqtini mazmunli tashkil etish yuzasidan olib borilayotgan ishlar muhokama qilindi. Bundan tashqari, profilaktika inspektori bilan ham suhbat o‘tkazilib, mahallada jinoyatchilikning oldini olish hamda “Xavfsiz mahalla” tizimini yo‘lga qo‘yish maqsadida ko‘chalarni videokameralar bilan jihozlash bo‘yicha takliflar bildirildi.