Davlatobod tumanida fuqarolar murojaatlari bilan ishlash, ularni qiynab kelayotgan muammolarga joyida yechim topish maqsadida navbatdagi sayyor qabul tashkil etildi. 

Davlatobod tumani hokimi, Xalq deputatlari tuman kengashi 3-Orzu saylov okrugi deputati Anvarjon Tojimirzayev Xalq deputatlari tuman kengashi raisi Toxirjon Boydedayev Xalq qabulxonasida fuqarolarni qabul qilib, ularning qonuniy murojaatlarini tingladi. 

Qabul jarayonida o‘ndan ortiq fuqarolar tomonidan ko‘tarilgan muammoli masalalar mutasaddi tashkilot va muassasalar rahbarlari ishtirokida atroflicha ko‘rib chiqildi. 

Yakka tartibda o‘tkazilgan qabul chog‘ida bildirilgan murojaatlar bo‘yicha aniq vazifalar belgilandi hamda ularning ijrosini so‘zsiz ta’minlash tuman rahbari tomonidan alohida nazoratga olindi. 

Shuningdek, qabul davomida halol mehnat va qonuniy murojaat orqali barcha masalalarga yechim topish mumkinligi ta’kidlanib, fuqarolarning murojaatlari e’tiborsiz qolmasligi qayd etildi.