“Hamkorobod” mahallasida nogironligi bo‘lgan bolalardan xonadonma-xonadon xabar olinib, ularning holati, ehtiyojlari hamda ta’lim olish imkoniyatlari o‘rganildi.

👩‍💼Xalq deputatlari Yunusobod tumani Kengashi deputati
G. Azimova tomonidan olib borilgan o‘rganish davomida bolalarning ta’limdan chetda qolmasligi, ular uchun zarur sharoitlar yaratilishi masalasiga alohida e’tibor qaratildi.

📚Jumladan, onalari bilan suxbat o’tkazilib, ayrim bolalarga o‘qituvchilar xonadoniga borib, individual tarzda dars mashg‘ulotlarini olib borayotgani o‘rganildi. Bunday yondashuv bolalarning ta’lim olish huquqini ta’minlash va bilim olish jarayonini uzluksiz davom ettirishda muhim ahamiyatga ega.

⚖️Mazkur ishlar O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi Qonuni talablari asosida, nogironligi bo‘lgan bolalarning ta’lim olish huquqini ta’minlash, ularning jamiyat hayotida faol ishtirok etishi uchun teng imkoniyatlar yaratish maqsadida amalga oshirilmoqda.

🤝O‘rganish davomida aniqlangan muammolar yuzasidan mas’ul tashkilotlarga tegishli tavsiyalar berilib, ularning ijrosi deputatlik nazoratiga olindi.