Keyingi manzil: 2-sonli maktabning texnologiya xonasi holati muhokama qilindi

Xalq deputatlari Taxiatosh tumani Kengashiga O‘zbekiston “Milliy tiklanish” demokratik partiyasidan saylangan deputat Medetova Asiya Nizamatdinovna va Kengash kotibiyati bosh mutaxassisi D.Xodjanov “Xalqlar do‘stligi” MFY hududidagi 2-sonli maktabda bo‘lib, texnologiya fani xonasini ta’mirlash masalasini muhokama qildi.

➡️ Avvalgi nazorat o‘rganishlari davomida mazkur xonada bir qator muammolar aniqlangan edi. Ushbu masalalarni hal etish yuzasidan mas’ullar bilan muzokara olib borish belgilanganligi sababli, navbatdagi tashrifda xonani ta’mirlash va mavjud kamchiliklarni bartaraf etish masalalariga e’tibor qaratildi.

🤝 Uchrashuvda aniqlangan muammolar yechimi bo‘yicha mas’ullar bilan fikr almashildi.

Maqsad — texnologiya darslarini tashkil etish uchun qulay sharoit yaratish va maktabdagi mavjud muammolarni bosqichma-bosqich hal etish.