#Sessiya_oldi_organish #24_ta_tavsiyaviy_savol #19_1_Modda_ijrosi

❗️YASHNOBOD TUMANIDAGI “MOHIRLAR” MAHALLASIDA KOMMUNAL SOHAGA OID MUAMMOLAR O‘RGANILDI

🏛 Toshkent shahar hokimi o‘rinbosari Obidjon Muminov hamda Xalq deputatlari Toshkent shahar Kengashi deputatlari Davronbek Ravshanbekov va Sevara Fayziyeva birgalikda Yashnobod tumanidagi “Mohirlar” mahalla fuqarolar yig‘ini hududiga tashrif buyurib, aholining kommunal xizmatlar bilan ta’minlanishi, mavjud infratuzilma holati hamda fuqarolar murojaatlari yuzasidan o‘rganish ishlarini olib bordilar.

🔎 O‘rganish davomida mahallaning Sohil ko‘chasida joylashgan 80 ta xonadonga tabiiy gaz tarmog‘i tortilmaganligi, shuningdek, mazkur ko‘chaning 40 metr masofasida ichimlik suvi tarmog‘i mavjud emasligi bilan bog‘liq muammolar ko‘rib chiqildi. Aholini gaz va ichimlik suvi bilan ta’minlash bo‘yicha mavjud imkoniyatlar, zarur infratuzilmani shakllantirish hamda tegishli tarmoqlarni o‘tkazish masalalari muhokama qilindi.

⚡️ Shuningdek, Tuzel ko‘chasida joylashgan TR-7782-sonli transformator punktining atrofi o‘ralmaganligi hamda uni yer sathidan ko‘tarish zarurati aniqlanib, elektr xavfsizligini ta’minlash va transformator punktini belgilangan texnik talablarga muvofiq tartibga keltirish masalasiga alohida e’tibor qaratildi. Mahalla hududidagi xonadonlarning suv tarmoqlaridan foydalanish holatini vakolatli inspeksiya tomonidan o‘rganish masalasi ham ko‘rib chiqildi.

📋 Aniqlangan kamchiliklar yuzasidan Yashnobod tuman elektr tarmoqlari, gaz va suv ta’minoti tashkilotlari rahbarlariga tegishli topshiriqlar berilib, gaz hamda ichimlik suvi tarmoqlarini o‘tkazish bo‘yicha zarur choralarni ko‘rish, transformator punktida xavfsizlik talablarini ta’minlash va mavjud muammolarni belgilangan muddatlarda bartaraf etish vazifalari yuklatildi.

⚖️ O‘rganish yakunida mas’ul tashkilotlarga belgilangan topshiriqlar ijrosini ta’minlash hamda amalga oshirilgan ishlar yuzasidan tegishli axborotlarni taqdim etish vazifasi belgilandi.

📱 Telegram 📱 Instagram 📱 Facebook 📱 YouTube 🔎 E-kengash