Uchrashuv davomida, ayniqsa, yoshlar bandligini ta’minlash, ularni kasb-hunarga yo‘naltirish va munosib ish
o‘rinlariga joylashtirish masalalariga alohida e’tibor qaratildi. Shuningdek, umumta’lim maktablarini tamomlayotgan bitiruvchilarni oliy ta’lim muassasalariga keng qamrab olish, yoshlarning bilim va salohiyatini ro‘yobga chiqarish uchun zarur shart-sharoitlarni yaratish bo‘yicha fikr va takliflar bildirildi. Muloqotda hududda ishsizlikni kamaytirish, yangi ish o‘rinlarini yaratish, aholi, xususan, yoshlarning bandligini ta’minlash borasida amalga oshirilishi lozim bo‘lgan vazifalar ham muhokama qilindi. Deputat B.Avliyoqulov fuqarolarning murojaat va takliflarini tinglab, ularni hal etish yuzasidan tegishli mutasaddilar bilan hamkorlikda ish olib borishini ta’kidladi.