Xalq deputatlari Oqoltin tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida komissiya a’zosi E.Babayev tomonidan mas’ulga savol berildi.

Savol:
— Mazkur loyiha uchun 1 milliard 800 million so‘m mablag‘ ajratilgan bo‘lsa, loyiha-smeta hujjatlari qanday qiymatda ishlab chiqilgan? Shuningdek, nima sababdan 400 million so‘m mablag‘ ortib qolganligi yuzasidan tushuntirish bersangiz.

Javob:
— Loyiha-smeta hujjatlarini ishlab chiqish jarayonida loyiha 1 milliard 400 million so‘m miqdoridagi mablag‘ doirasida hisob-kitob qilingan. Ajratilgan 1 milliard 800 million so‘mlik mablag‘ning 400 million so‘mi esa loyiha qiymatidan ortiqcha qismi sifatida qolgan.

Deputat tomonidan mablag‘larning shakllanishi va ulardan samarali foydalanilishi yuzasidan qo‘shimcha aniqlik kiritish so‘raldi. Mas’ul tomonidan berilgan tushuntirishlar komissiya a’zolari tomonidan tinglandi.