#deputatlik_nazorati_Uchtepa #162_ta_eng_muhim_qonun

ICHIMLIK SUVI TA’MINOTI BO‘YICHA MUAMMOLAR DEPUTATLIK NAZORATI ASOSIDA O‘RGANILDI

Xalq deputatlari Uchtepa tumani Kengashining 14-O‘rikzor saylov okrugi deputati Abdurashid Abdushukurov tomonidan Ko‘ksaroy mahallasida aholini ichimlik suvi bilan ta’minlash masalasi deputatlik nazorati tartibida joyiga chiqib o‘rganildi.

O‘rganish davomida 2-Navo ko‘chasida ichimlik suvi ta’minotini yaxshilash borasida amalga oshirilgan ishlar, shuningdek, O‘rikzor 1-tor ko‘chasida 20 dan ziyod xonadonga ichimlik suvi tarmog‘ini tortish jarayoni ko‘zdan kechirildi.

Mazkur ishlar Xalq deputatlari Uchtepa tumani Kengashi deputatlarining 24 talik tavsiyalarida belgilangan aholini uy-joylarda issiq va sovuq suv, elektr energiyasi hamda tabiiy gaz bilan ta’minlash bilan bog‘liq masalalar ijrosi doirasida o‘rganildi.

Shuningdek, o‘rganish jarayonida O‘zbekiston Respublikasining 2022-yil 22-iyuldagi “Ichimlik suvi ta’minoti va oqova suvlarni chiqarib yuborish to‘g‘risida”gi O‘RQ-784-son Qonuni talablarining amaldagi ijrosi nazorat qilindi.

Deputatlik o‘rganishida Kengash huzuridagi ekspert guruhi a’zosi hamda mahalla raisi ishtirok etib, aniqlangan masalalar yuzasidan tegishli tavsiyalar berildi.

Mazkur o‘rganish aholining ichimlik suvi ta’minotini yaxshilash, mavjud muammolarni bartaraf etish va fuqarolar murojaatlarining amaliy yechimini ta’minlashga qaratilgan.