#kunlik_ish_reja_ijrosi
#19_1_modda
#kotibiyat_xodimi_faoliyati
#deputat_faoliyati
#24_ta_masala

Bandixon tumanida infratuzilma rivoji: Qaldirg‘och mahallasida 1 km yo‘lga asfalt yotqizildi

Bandixon tumanida yo‘l-kommunikatsiya tarmoqlarini yaxshilash, hududlarda aholi uchun munosib va xavfsiz sharoitlarni yaratish borasidagi davlat dasturlari ijrosi ustidan jamoatchilik va deputatlik nazorati qat’iy olib borilmoqda.

Xalq deputatlari Bandixon tuman Kengashining 16-"Qaldirg‘och" saylov okrugidan saylangan deputat D.Qudratovga biriktirilgan tuman Kengashi kotibiyati xodimi B.Qurbonov "Qaldirg‘och" MFY Qo‘rg‘onqala ko‘chasida bo‘lib, amalga oshirilgan bunyodkorlik ishlarini joyida o‘rgandilar.

O‘rganishlar davomida Qo‘rg‘onqala ko‘chasining 1 kilometr qismiga yotqizilgan asfalt qoplamasining texnik parametrlari, qalinligi hamda shaharsozlik va qurilish me’yorlariga mos kelishi chuqur tahlil qilindi. Pudratchi tashkilot mas’ullarining axborotlari tinglanib, bajarilgan ishlarning sifati maxsus mutaxassislar ishtirokida ko‘zdan kechirildi.

Tadbir yakunida yangi foydalanishga topshirilayotgan yo‘lning mustahkamligini saqlash, kelgusida ham hududiy infratuzilmani rivojlantirish loyihalarida yuqori sifat va shaffoflikni ta’minlash bo‘yicha mas’ullarga qat’iy tavsiyalar berildi.