FUQAROLAR FIKRI VA MUROJAATLARI O‘RGANILDI

Xalq deputatlari Termiz tuman Kengashi 10-Yangiyo‘l saylov okrugi deputati R. Shamanov saylangan hududidagi Mustaqillik MFYda fuqarolar bilan bevosita muloqot tashkil etildi.

Deputat mahalla hududida fuqarolar bilan ko‘chalarda yurib, hududda olib borilayotgan ishlar, mahalla yettiligi hamda deputatlar tomonidan amalga oshirilayotgan ishlar yuzasidan aholining fikr-mulohazalarini tingladi.

Muloqot davomida fuqarolarning mavjud muammolari, taklif va murojaatlari o‘rganilib, ularni hal etish bo‘yicha tegishli choralarni ko‘rish masalalariga e’tibor qaratildi.

Mazkur jarayonni Xalq deputatlari Termiz tuman Kengashi mutaxassisi K. Abdullayeva tomonidan joyiga chiqib o‘rganildi.

Fuqarolar bilan bunday bevosita muloqotlar hududdagi muammolarni aniqlash, aholi fikrini o‘rganish va ularning murojaatlarini amaliy hal etishda muhim ahamiyat kasb etmoqda.