Xalq deputatlari Pastdarg‘om tuman Kengashi deputati M.Kazakov tomonidan 6-son oilaviy poliklinikada DMED dasturidan foydalanish jarayoni o‘rganildi.

O‘rganish davomida tibbiyot xodimlari tomonidan elektron tizimdan foydalanish holati, bemorlar ma’lumotlarini kiritish va yuritish tartibi, elektron yo‘llanmalarni rasmiylashtirish, dastur orqali hisobotlarni shakllantirish hamda tizimning amaliyotdagi samaradorligi bilan yaqindan tanishildi.

Shuningdek, DMED dasturi bilan ishlashda uchrayotgan muammo va kamchiliklar, texnik ta’minot hamda internet sifati bilan bog‘liq masalalar ham o‘rganilib, mavjud muammolarni bartaraf etish yuzasidan tegishli taklif va tavsiyalar bildirildi.

Mazkur o‘rganishlardan ko‘zlangan asosiy maqsad — raqamli texnologiyalarni sog‘liqni saqlash tizimiga samarali joriy etish, tibbiy xizmatlar sifatini oshirish hamda tibbiyot muassasalari faoliyatining shaffofligi va tezkorligini ta’minlashdan iboratdir.