Ma’lumki, kasallik kishi holini mahzun, a’zolarini esa zaif qilib qo‘yadi. Bunday vaziyatda inson bolasi mehr-muruvvatga har qachongidan ham muhtoj bo‘ladi.

Bugun Xalq deputatlari tuman Kengashining 1-S.Ayniy saylov okrugi deputati, Romitan tumani hokimi Umedjon Barnoyev tuman Tibbiyot birlashmasi boshlig‘i Jamshid Toxirov hamrohligida aholiga sifatli tibbiy xizmat ko‘rsatishni yanada yaxshilash maqsadida shifoxonalarda yaratilgan shart-sharoitni ko‘zdan kechirdi.

Unda bugungi kunda aholi salomatligiga xizmat qilish, ularga sifatli tibbiy xizmat ko‘rsatish, kunlik bemorlarni qabul qilish jarayonlari qay darajada amalga oshirilayotgani, bemorlar uchun yaratilgan alohida shart-sharoitlar bilan tanishdi.

Tuman deputati aholi salomatligini saqlash va mustahkamlash masalasi davlatimiz siyosatining ustuvor yo‘nalishlaridan biri ekanligini ta’kidladi.

Ushbu muassasada xizmat qiluvchi xodimlarni mas’uliyat bilan tibbiy xizmat ko‘rsatishi, tozalikka rioya qilish va eng asosiysi murojaat qilib kelgan fuqarolarga sifatli tibbiy xizmat ko‘rsatish muhimligi hamda tibbiyot birlashmasiga qarashli poliklinika, bo‘limlar fasad qismini binolarini ta’mirlash, hududlarda esa obodonlashtirish va ko‘kalamzorlashtirish ishlarini amalga oishirish to‘g‘risida topshiriqlar berdi.

Bundan tashqari tuman deputati muassasada ayni paytda davolanayotgan bemorlar holidan xabar oldi.