Usı jıldıń may-iyul aylarında mámleketimizde puqaralar jıyını baslıǵı saylawı ótkeriliwi belgilengen bolıp, orınlarda saylawǵa tayarlıq jumıslarınıń juwmaqlawshı basqıshı ámelge asırılmaqta. Qaraqalpaqstan Respublikası Joqarǵı Keńesine 63-Qaraózek saylaw okrugi deputatı M.Abdirov rayonlıq Keńes deputatları Q.Jaqsımuratov, A.Kelimbetova hám máhálle wákilleri menen birgelikte saylaw okrugi aymaǵındaǵı puqaralar jıyınlarında bolıp, saylaw ótkeriletuǵın orınların hám isshi toparlardıń alıp barıp atırǵan jumısları menen tanıstı. Saylawda aymaq puqaralarınıń belsendiligin asırıw, úgit-násiyat ilajların shólkemlestiriw, aymaqlardan tańlap alınǵan wákiller menen islesiw hám talabannıń úgit-násiyat jumısların alıp barıwı hámde saylawdı nátiyjeli ótkeriw boyınsha óz pikir, usınısların bildirdi. Rayon aymaǵında puqaralar jıyınları baslıqları saylawına tayarlıq jumısları deputatlar qatnasında úyreniw dawam etpekte.