Xalq deputatlari tuman Kengashining Reglament va deputatlik odob-axloqi masalalari bo‘yicha doimiy komissiyasi raisi, Xalq deputatlari tuman Kengashi deputati M. Karimova o‘z saylov okrugida Mustaqilligimizning 35 yilligi munosabati bilan amalga oshirilayotgan obodonlashtirish va ko‘kalamzorlashtirish ishlari jarayonida faol ishtirok etmoqda.

Shuningdek, uchrashuvlar davomida fuqarolarga O‘zbekiston Respublikasining “Fuqarolar sog‘lig‘ini saqlash to‘g‘risida”gi Qonuni (1996-yil 29-avgust, №265-I) mazmun-mohiyati tushuntirildi. Unda fuqarolarning sog‘liqni saqlash sohasidagi huquqlari, sifatli tibbiy xizmatdan foydalanish imkoniyatlari hamda sog‘lom turmush tarzini targ‘ib etishning ahamiyati haqida batafsil ma’lumotlar berildi.