Oqrabot mahallasida uchrashuv va obodonlashtirish ishlari davom etmoqda
Xalq deputatlari Qiziltepa tuman Kengashi raisi U. Bobojonov Oqrabot mahallasi "mahalla yettiligi" bilan uchrashib, hududda amalga oshirilayotgan ishlar bilan tanishdi.

Uchrashuv davomida mahalla infratuzilmasini yaxshilash, aholi murojaatlarini o‘z vaqtida hal etish hamda O‘zbekiston Respublikasi Qonuni “O‘zboshimchalik bilan egallab olingan yer uchastkalariga hamda ularda qurilgan bino va inshootlarga bo‘lgan huquqlarni e’tirof etish to‘g‘risida” (O‘RQ–937, 2024-yil 5-avgust)ning mazmun-mohiyati yuzasidan tushuntirishlar berildi.

Shuningdek, mamlakatimiz mustaqilligining 35 yilligi munosabati bilan mahallada olib borilayotgan obodonlashtirish va ko‘kalamzorlashtirish ishlari ko‘zdan kechirilib, bu boradagi ishlarni yanada jadallashtirish yuzasidan tegishli tavsiyalar berildi.