Jumladan:
🔹 Xalq deputatlari Termiz shahar Kengashining 2025-yil 28-fevraldagi VII-7-28-8-121-K/25-son qaroriga o‘zgartirish va qo‘shimchalar kiritish masalasi ko‘rib chiqilib, amaldagi huquqiy hujjatlarni takomillashtirishga qaratilgan qaror tasdiqlandi.
🔹 Deputatlik so‘rovlari ijrosi hamda ularga o‘z vaqtida javob berish holati yuzasidan Kengash kotibiyati mudiri A.Ashurovning 2026-yil II chorak yakunlari bo‘yicha axboroti eshitildi. Muhokamalar davomida deputatlik nazoratining samaradorligini oshirish, davlat organlarining deputatlik so‘rovlariga o‘z vaqtida va sifatli javob berishini ta’minlash yuzasidan vazifalar belgilandi.
🔹 Shuningdek, O‘zbekiston Respublikasi Oliy Majlisi Senati Kengashining 2026-yil 22-iyundagi KQ–360-V-son qarori asosida Termiz shahar Kengashi sessiyalarida aholi murojaatlari bilan ishlash, Xalq qabulxonasi axboroti hamda hokim va davlat organlari rahbarlarining hisobotlarini eshitish tartibi tasdiqlandi.
✅ Sessiya yakunida mazkur masalalar yuzasidan tayyorlangan qaror loyihalari deputatlar tomonidan qo‘llab-quvvatlanib, belgilangan tartibda tasdiqlandi.
🤝 Qabul qilingan qarorlar mahalliy Kengash faoliyatining ochiqligi va samaradorligini oshirish, deputatlik nazoratini kuchaytirish hamda davlat organlarining xalq vakillari oldidagi hisobdorligini yanada mustahkamlashga xizmat qiladi.