"Yashil makon" dasturi ijrosi deputatlik nazoratida 

Xalq deputatlari Qo‘shko‘pir tuman Kengashi raisi M. Tangriberganov
hamda Kengash deputati N. Ibragimova Dovud mahallasi hududida "Yashil
makon" umummilliy loyihasi doirasida ekilgan daraxtlarning bugungi
holatini o‘rgandilar. 

O‘rganish davomida ko‘chatlarning parvarish qilinishi, sug‘orish tizimi,
ularning saqlanish darajasi hamda yashillik maydonlarini kengaytirish bo‘yicha
amalga oshirilayotgan ishlar atroflicha tahlil qilindi. Shuningdek, mas’ul
tashkilotlar va mahalla faollari bilan daraxtlarni parvarishlash sifatini
yanada oshirish, qurib qolishining oldini olish hamda hududning ekologik
barqarorligini mustahkamlash yuzasidan fikr almashildi. 

Ta’kidlanganidek, "Yashil makon" umummilliy loyihasi
doirasida belgilangan vazifalarning to‘liq va sifatli ijrosini ta’minlash, har
bir ekilgan ko‘chatning saqlanishi hamda parvarish qilinishi ustidan
jamoatchilik va deputatlik nazoratini kuchaytirish muhim ahamiyat kasb etadi.
O‘rganish yakunida aniqlangan holatlar yuzasidan tegishli tavsiyalar berilib,
belgilangan vazifalar ijrosi nazoratga olindi.