Xalq deputatlari Paxtakor tumani Kengashi deputati K.Mamanova Suvonobod mahallasiga tashrif buyurib, hokim yordamchisining faoliyati bilan yaqindan tanishdi.

O‘rganish davomida joriy yilning o‘tgan davrida amalga oshirilgan ishlar tahlil qilinib, 18 nafar ishsiz fuqaroning bandligi ta'minlangani, 6 ta tadbirkorlik loyihasiga amaliy ko‘mak ko‘rsatilgani hamda 20 dan ortiq fuqarolarning murojaatlari ko‘rib chiqilgani qayd etildi.

Shu bilan birga, ayrim yo‘nalishlarda kamchiliklar ham aniqlandi. Xususan, bandlikka muhtoj fuqarolar bilan manzilli ishlashni kuchaytirish, tadbirkorlikka jalb etilayotgan fuqarolar sonini oshirish hamda murojaatlarning ijrosini yanada samarali tashkil etish zarurligi ta'kidlandi.