O‘rganish davomida aholi bilan bevosita muloqot qilinib, ularni qiynayotgan kommunal xizmatlar, ichki yo‘llar, ichimlik suvi, elektr ta’minoti, obodonlashtirish, ijtimoiy qo‘llab-quvvatlash hamda boshqa dolzarb masalalar yuzasidan murojaatlar tinglandi.

Har bir murojaatning mazmuni atroflicha o‘rganilib, mavjud muammolarni bartaraf etish yuzasidan tegishli mutasaddi tashkilotlar bilan hamkorlikda amaliy choralar belgilandi. Qo‘shimcha o‘rganishni talab etadigan masalalar deputatlik nazoratiga olindi.

Fuqarolar bilan xonadonbay ishlash, ularning muammolarini o‘z joyida o‘rganish va amaliy yechim topishga ko‘maklashish deputatlik faoliyatining muhim yo‘nalishlaridan biri ekani ta’kidlandi.

 Murojaatlar yuzasidan tegishli tashkilotlarga deputatlik so‘rovlari kiritilishi hamda ularning ijrosi doimiy nazorat ostida bo‘lishi qayd etildi.