Mahallada amalga oshirilayotgan ishlar o‘rganildi

Xalq deputatlari Qiziriq tumani Kengashiga 22-Gulzor saylov okrugidan saylangan deputat E.Hamroyev hamda tuman Kengashi kotibiyati bosh mutaxassisi J.Donayev deputatning saylov okrugi hududidagi "Mustaqillik" mahallasiga tashrif buyurib, mahalla raisi tomonidan hududni ijtimoiy-iqtisodiy rivojlantirish, obodonlashtirish, fuqarolar murojaatlari bilan ishlash hamda aholi muammolarini bartaraf etish borasida amalga oshirilayotgan ishlar bilan yaqindan tanishdi.

Tashrif davomida mahallada amalga oshirilayotgan bunyodkorlik va obodonlashtirish ishlari, aholi bandligini ta’minlash, ijtimoiy himoyaga muhtoj oilalarni qo‘llab-quvvatlash, infratuzilmani yaxshilash hamda davlat dasturlari ijrosi yuzasidan olib borilayotgan ishlar muhokama qilindi.

Shuningdek, mavjud muammolar va ularni bartaraf etish yuzasidan mahalla faollari bilan fikr almashilib, fuqarolar manfaatlarini ta’minlash hamda mahallada amalga oshirilayotgan ishlar samaradorligini yanada oshirish bo‘yicha tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram