Kotibiyat mutaxassisi mahalladagi ishlar samaradorligini o‘rgandi

Xalq deputatlari tuman Kengashi kotibiyat bosh mutaxassisi Sh.Ergasheva “Tojikobod” mahalla fuqarolar yig‘inida bo‘lib, "mahalla yettiligi" faoliyati bilan yaqindan tanishdi.

O‘rganish davomida asosiy e’tibor yettilik tizimining o‘zaro hamjihatlikda ish tashkil etishi, aholi murojaatlari bilan ishlash holati hamda hudud drayverlaridan kelib chiqib amalga oshirilayotgan chora-tadbirlarga qaratildi.

Kengash deputatlari faoliyatining eng muhim yo‘nalishlari bo‘yicha belgilangan 24 ta tavsiya ijrosini ta’minlash, shuningdek, mahalla yettiligi faoliyatini haqiqiy ahvolni ko‘zdan kechirish maqsadida tumanda jiddiy o‘rganishlar boshlandi.

Kotibiyat bosh mutaxassisi tomonidan mahalladagi ijtimoiy-iqtisodiy masalalarni hal etish, bandlikni ta’minlash va "mahalla yettiligi" faoliyati samaradorligini yanada oshirish yuzasidan zarur tavsiya hamda ko‘rsatmalar berildi.