Xalq deputatlari Angor tumani Kengashining 2-Tallashqon saylov okrugi deputati Jovliyev Ravshan hamda Xalq deputatlari Angor tumani Kengashi kotibiyati mudiri Raximqulov Jamshid birgalikda Yuqori Xo‘jaqiya suv tortish inshooti faoliyatini o‘rgandilar.
O‘rganish jarayonida sug‘orish tizimining texnik holati, suv taqsimotining samaradorligi hamda hududdagi ekin maydonlarini suv bilan barqaror ta’minlash masalalari muhokama qilindi. Shuningdek, mavjud muammolarni bartaraf etish, suv resurslaridan oqilona foydalanish va irrigatsiya infratuzilmasini yanada takomillashtirish yuzasidan mas’ul mutaxassislarning axborotlari tinglandi.

Deputat tomonidan saylov okrugi aholisi va fermer xo‘jaliklari manfaatlarini ko‘zlagan holda sug‘orish tizimi faoliyatini yanada yaxshilash, aniqlangan kamchiliklarni bartaraf etish hamda masalalarni belgilangan tartibda nazoratga olish bo‘yicha tegishli tavsiya va takliflar bildirildi.