Xalq deputatlari Jondor tumani Kengashiga 14-Nurafshon saylov okrugidan saylangan deputat N.Murodov tomonidan bozorlarda aholi iste’moli uchun eng zarur oziq-ovqat mahsulotlarining narx-navosi hamda mahsulotlar bilan ta’minlanganlik holati yuzasidan o‘rganish ishlari amalga oshirildi.
🤩O‘rganishlar davomida un, guruch, o‘simlik yog‘i, shakar, go‘sht, tuxum, kartoshka, piyoz, sabzi va boshqa kundalik ehtiyojdagi mahsulotlarning narxlari hamda savdo rastalaridagi mavjudligi tahlil qilindi. Shuningdek, sotuvchilar bilan muloqot qilinib, mahsulotlar ta’minoti, talab va taklif mutanosibligi hamda narxlarga ta’sir etuvchi omillar muhokama etildi.
🤩Bu borada N.Murodov ta’kidlaganidek, aholini sifatli va arzon mahsulotlar bilan uzluksiz ta’minlash, sun’iy narx oshirish holatlarining oldini olish hamda ichki bozorda narxlar barqarorligini saqlash muhim vazifalardan biri hisoblanadi. Shu bois bozorlardagi vaziyatni muntazam o‘rganish va jamoatchilik nazoratini kuchaytirish orqali iste’molchilar manfaatlarini himoya qilishga alohida e’tibor qaratilishi lozim.
🤩Deputat tomonidan bildirilgan taklif va tavsiyalar asosida mutasaddi tashkilotlar bilan hamkorlikda bozorlarda mahsulotlar yetarliligini ta’minlash, narx-navoni doimiy monitoring qilib borish hamda aholi uchun qulay va shaffof savdo muhitini yanada takomillashtirish yuzasidan tegishli chora-tadbirlarni davom ettirish muhimligi qayd etildi.