Олий Мажлис Сенати Кенгашининг 2025 йил 28 январдаги “Халқ депутатлари маҳаллий Кенгашлари фаолиятини намунали ташкил этиш тўғрисида”ги КҚ-51-V-cонли қарори ижроси юзасидан Янгиқўрғон тумани котибиятида ўрганиш ишлари амалга оширилди.

Халқ депутатлари Наманган вилоят Кенгашининг котибият мудири Т.Гаппаров бошчилигида Янгиқўрғон тумани Кенгаши котибиятида ўрганиш ишлари олиб борилди.

Ўрганиш жараёнида котибиятда ҳужжатлар билан ишлаш тизими, иш юритиш, ҳужжатларнинг тўғри ва ўз вақтида расмийлаштирилиши, уларнинг ижросини таъминлаш ҳолати, котибиятнинг минимал талаблар бўйича жихозлаш ҳолати атрофлича таҳлил қилинди.

Шунингдек, котибият фаолиятини янада самарали ташкил этиш, иш жараёнларини тизимлаштириш ва замонавий талаблар асосида такомиллаштириш масалаларига алоҳида эътибор қаратилди. Котибият мудирига Кенгаш фаолияти самарадорлигини янада ошириш юзасидан тегишли кўрсатма ва топшириқлар берилди.

Шу билан бирга, Кенгаш котибияти ишини намунали ташкил этиш орқали депутатлар фаолиятини самарали қўллаб-қувватлаш ва аҳоли билан ишлаш сифатини ошириш муҳимлиги алоҳида таъкидланди.