Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi navbatdagi yig‘ilishida “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonunning mazmun-mohiyati hamda uni tumanda targ‘ibot qilish va ijrosini ta’minlash masalasi muhokama qilindi.

Yig‘ilishda mazkur qonun sud mustaqilligini yanada mustahkamlash, sud ishlarini ko‘rishga noqonuniy aralashuvlarning oldini olish, sudlarda tartibni ta’minlash hamda odil sudlov samaradorligini oshirishga xizmat qilishi alohida ta’kidlandi.

Muhokamalar davomida deputatlar tomonidan qonunning mazmun-mohiyatini keng jamoatchilikka yetkazish, davlat organlari va tashkilotlari xodimlari o‘rtasida tushuntirish ishlarini kuchaytirish, shuningdek, uning ijrosini samarali tashkil etish bo‘yicha takliflar bildirildi.