ТАДБИРКОРЛАР ФАОЛИЯТИ ЎРГАНИЛДИ
Халқ депутатлари Янгиқўрғон тумани Кенгаши депутати Мутавалиев Олимхон Умриллаевич томонидан сайлов округида жойлашган тадбиркорлик объектларида ўрганиш ишлари олиб борилди.
Ўрганиш давомида тадбиркорлар фаолияти, улар учун яратилган шарт-шароитлар, иш жараёнида юзага келаётган муаммо ва таклифлар ўрганилди.
Депутат тадбиркорлар билан суҳбатлашиб, уларнинг мурожаат ва фикр-мулоҳазаларини тинглади. Мавжуд масалаларни тегишли ташкилотлар билан ҳамкорликда ҳал этиш юзасидан амалий чоралар кўрилиши белгилаб олинди.
Тадбиркорликни қўллаб-қувватлаш, янги иш ўринларини яратиш ва ҳудуд иқтисодий ривожига ҳисса қўшиш депутатлик фаолиятининг муҳим йўналишларидан бири ҳисобланади.