“ОҒИР” МАҲАЛЛАЛАРНИ РИВОЖЛАНТИРИШ ИШЛАРИ ДАВОМ ЭТМОҚДА
Ўзбекистон Республикаси Президентининг 2026 йил 5 февралдаги ПҚ-49-сонли қарори ижросини таъминлаш мақсадида Янгиқўрғон туманида “оғир” тоифага киритилган 4 та — “Қутлуғтол”, “Обод”, “Салмон” ва “Тиллатепа” маҳаллаларида амалий ишлар бошлаб юборилган.
Мазкур маҳаллаларда аҳоли турмуш шароитини яхшилаш, инфратузилмани ривожлантириш, муҳандислик-коммуникация тармоқларини янгилаш ҳамда барқарор иш ўринларини яратиш мақсадида жами 12 млрд сўм маблағ йўналтирилиши режалаштирилган.
Ҳозирда дастур доирасида “Обод” маҳалласида кенг кўламли ишлар амалга оширилмоқда.
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна мазкур маҳаллада олиб борилаётган ишлар билан яқиндан танишди.
Хусусан, “OZOD” МЧЖ томонидан 600 млн сўм маблағ ҳисобидан 1 километр узунликдаги канализация тармоғини тортиш ишлари якунланди.
Бу каби ишлар маҳалла аҳолиси учун муносиб турмуш шароитини яратиш, ҳудуд инфратузилмасини яхшилаш ҳамда аҳоли фаровонлигини оширишга хизмат қилади.
Халқ депутатлари Янгиқўрғон тумани Кенгаши томонидан мазкур ишлар ижроси доимий депутатлик назоратида олиб борилмоқда.