Xalq deputatlari Muzrabot tumani Kengashining mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya a’zosi Suvanov Ashurbek Ilhom o‘g‘li hamda tuman Kengashi kotibiyati mudiri Sherboyev Dilmurod Norboyevich tomonidan “Mikrokreditbank” ATB Muzrabot tumani bo‘limida “Iste’mol krediti to‘g‘risida”gi Qonun ijrosi o‘rganildi.

O‘rganish davomida iste’mol kreditlarini ajratish tartibi, kredit shartnomalarining qonun talablariga muvofiqligi, fuqarolarga kredit shartlari bo‘yicha to‘liq ma’lumot berilishi, shuningdek, kredit ajratish jarayonining shaffofligi va ochiqligi tahlil qilindi.

O‘rganish yakunida mavjud ijobiy tajribalar e’tirof etilib, qonun ijrosini yanada samarali tashkil etish yuzasidan tegishli tavsiyalar berildi.

Deputatlik nazorati qonunlar ijrosini ta’minlash, moliyaviy xizmatlar sifatini oshirish hamda fuqarolar manfaatlarini himoya qilishga yordam qiladi.